[傢私設計] sketchup 自己做設計師

礙於居所面積所限，基本裝修，只可以講係還原清水樓，
相信呢個都係好多香港人面對的問題。

有限的空間，無限的創意，可以點發揮呢?

不如就慳下設計師費用，自己做自己的設計師啦!

多謝google sketch up 呢個非常易用的免費網上軟件，

我可以隨心自由設計自己的理想家居，細細個時好鍾意玩the Sims，

所以大個可以設計傢俱時簡直係得心應手。

建議大家可以係youtube 睇下sketch up 基本教學，

摸下摸下，咁就唔難上手架啦。

自己做設計師，首先最重要係，量尺!

要清楚知道自己的空間有幾大，先可以考慮做咩設計.

由於小妹非常了解自己太多雜物了，於是小妹決心要好多好多儲物空間

於是開始在網上參考系統櫃的設計

系統櫃應該是台灣用語，顧名思義，

就係要有系統地收藏所有雜物在儲物櫃之內  (火火火) 

有設計方向後，我就開始度呎，畫圖，

由於小妹都係傾向實用型，所以傢俱都係以方型櫃為主，

而每一格的大少，高度，深淺都係根據自己需求而定。

客廳構思圖

自己畫好草圖後，就北上去深圳找尋傢俱公司落訂單。

朋友帶我地去田貝家合居見識，小妹都有上網做唔少資料搜集，行過幾個商場，

拎住自己的草圖每一鋪頭去傾下價錢，

其實每間傢俱公司都大同少異，價錢分別都不大，

最緊要是搵到一間自己岩心水，又岩嘴型的公司，

然後，一定一定要自己落力監工!

落訂後，傢俱公司就會出圖紙，自己再小心審核後 (我會直接在圖紙上加減)

就會正式由工廠生產，之後可以親自上廠驗貨。

由於係自己的設計心血，成品效果都幾滿意架

其實只要了解自己需求，預先按比例用sketch up設計好草圖，

傢俱、廚櫃的還原度可以是近乎完美的。

 北上做傢俱，一定比香港平，

因為自己做左設計師，慳左人工費呀 ~

但公平來計，心機時間精力都是必須的.

 因為唔係賣廣告，邊一間傢俱公司就唔開名了，

但其實自己貨比三家，每間傢俱公司流程都是大同少異，

如果大家有興趣做小資室內設計師，歡迎互相多多交流!

無縫地板2。還是回歸Quick Step 懷抱

上回一直講到揀無縫地板打算小資取勝，打算揀大陸K 牌，不過好多時現實就好似搞結婚一樣，不知不覺就會愈洗愈多錢，愈揀就愈想用得好。。。

因為屋企地理位置極潮濕，係潮濕起上黎春天可以牆壁變潮，又上網睇過D 討論區講無縫地板發霉，所以對於無縫地板的選擇一直都有D 戰戰兢兢。

同大少去過灣仔問一轉，原本對於灰白冷系顏色FXXFLOOR地板幾有興趣，可惜店主又好坦白咁講無縫地板其實唔係好防水，咁樣，仲點會買得落手呢。

而裝修公司亦同我地講，鋪無縫地板一定要用QUICK STEP，一定只有QUICK STEP 先做到防水，所以兜兜轉轉，我地又走返去旺角睇QUICK STEP 同 PERGO。

QUICK STEP，初時想搵最平的款式

不過大少比較鐘情冷色系。無坑紋平D ($50/呎) ，不過近睇會有條黑邊，總係唔係好岩心水咁。

又去睇過 PERGO， 款式唔錯，店主折扣好似有俾 ，但感覺就非常海鮮價，價錢計落又唔差QUICK STEP 好遠咁

而QUICK STEP唔同分店亦唔同折扣，最後搵到一間做全單8 折! 而我同大少係價錢同款式的衡量下，終於揀到岩晒大家心水的 Impressive系列，IM 1854 Soft Oak Beige $60/呎 8MM

一睇到個顏色同價錢都好岩心水，而且質感好好，又有坑紋

鋪工$15/呎、地腳線$33/直呎，修口條全部都要另外計，不過打左8 折後，當300呎地方，2萬蚊到，貴係貴，不過千金難買心頭好呀!

後記: 裝修最後仲幫我地拎到全單7折 :)

鋪無縫地板真係好方便快捷，一日就完工啦。

鋪完出黎，我地係完工前最後先鋪地板，一見到成品，嘩，真係好靚呀!

地腳線係配返原裝色系的木紋 (其他牌子無)，樹紋好有質感，而且唔會一色一樣，望落好有層次感。

好岩襯我的淘寶趟門呢!

今次真係貴有貴享受，希望要耐用呀!

[資料。搜集] 無縫地板

由細到大，屋企都是柚木地板，到結婚後，地下是膠地板。對於怕凍又不愛著拖鞋的我，鋪木紋地磚雖然打理方便，但無縫地板比較設合我需求。

首先是因為娘家新裝修後由柚木地板改了無縫地板，她是在百X店買的，於是理所當然我都去了同一家店看看，款式是非常歐陸化，價錢由$40+/平呎至$80/平呎不等，有些款式有無坑紋或扮有坑紋, 完全無縫無坑便宜一點， 愈大塊又愈貴。要另加地腳線及收口條價錢，亦有師父的安裝費，計起來選最便宜的款式，300 呎的話大概$18000 差不多。

回家再上網做了點資料搜集，多了些基本認知，無縫地板基本上是指laminated flooring, 和實木地板不同，是一塊一塊的木地板塊扣在一起，有分12MM, 又有8MM，可以直接鋪在原有地板或磚之上，重點是要原有地下夠平。安裝不用打釘和痴膠水，非常簡單一日可完成，也有人會自己買料自己鋪，如果跟地板公司，師父大概收$12/呎 - $15/呎不等。

有些貴價的無縫地板是完全防水，因為底層是膠造，但價錢貴很多，大概$80/呎以上。

而我看一般無縫地板，是面層有層膠防水 (就是laminated 呀)，然後怕濕水的是指板與板中間的位置，不過如果不是水浸的話，一般洗地倒瀉水是可以的。

如果有興趣深入了解的人，可以再參考以下的網址:

第164伏- 無縫地板大比併– 裝修中伏 - 比較不同牌子的無縫地板浸水測驗

無縫地板推介- invoar , krono loc 定robina? - 家居設計佈置- 香港討論區

Search Results

有無人有返大陸買無縫地板既經驗?(頁1) - 家居設計佈置- 香港討論區

看了以上的討論，基本上對無縫地板有了基本的認知，知道了有德國、比利時、東南亞、大陸等的不同牌子，內文亦有詳細講解不同的牌子的優缺點。大概就是比利時的手工比較好又比較貴，大陸最平，馬來西亞的性價比高。

簡單一點，始終地板是人踩的，我喜歡赤腳，就要講求質感，所以一定要走訪一下不同門市才可以比較一下，於是某週末的下午，我走訪了整個旺角和灣仔的地板店，拿了一塊又一塊的SAMPLE返屋企(墊煲底)。

~~以下是非常主觀的不專業牌子的比較~~

首先去了最多分店的QUICK STEP

其實我喜歡的顏色很簡單，地方淺窄，再大塊再多樹紋的地板對我都沒有用，傢俱都遮晒，所以我主打睇暖色淺色地板或帶淺灰色的地板。在店舖我有叫SALES 給我看一看鋪好的完成圖，因為有坑紋的款式 (左是同款沒有坑/右邊同款有坑) ，有時候不知是否安裝時紋理不順，有些相片又有點不自然 (我對紋理順與不順有少少執著)。賣點是有原色的地腳線一套，又可以鋪入房門口時不用另加收線條，一整塊過。

價錢: 最貴的，鋪工又另計，不同店舖折扣不同，要格價

質感: 無疑是最舒服及順滑

PERGO

在百X店和旺角一些其他地板公司都有見到。都是有些款免有分無坑和有坑款。由$40+/呎起跳，要有坑款要差不多元60/呎起跳。沒有原色地腳線，鋪工又另計，質感也是很好的，但價錢都不便宜，拍得上Q牌。

價錢: 都好貴，鋪工又另計

質感: 很好

 KRONOSWISS

叫KRONO- 的牌子(KRONO ORIGNAL, KRONOSWISS, KRONO ...) 有很多家，這間賣 KRONOSWISS是在灣仔看到，舊款12MM 款式不多 (上圖)，做緊35/呎 另加運輸費，如新款(下圖) 款式比較多，紋理比較出，但貴一點，整體而家叫我預300呎約$15000.

走訪了一個下午，大概的品牌全都看過了解過，相同牌子在旺角灣仔不同鋪頭又因為鋪工有很大的價錢分別，我只拿了岩自己價錢的中價的牌子SAMPLE. 左起 (如無記錯): Fin Floor, Krono Swizz, Krono Original, Quick Step 1, Krono Original, Quick Step 2,Inova

基本上一看，I牌 的是3X/呎連鋪工，網上評論性價比很高，又不會太發漲，不過顏色很假，一看就知道是貼皮的，不OK，我不喜歡. 其他的都可以，都有木的質感，Q牌是摸上手最滑最順的。價錢呢，大概當300呎去問價，加加埋埋所有雜費鋪工，是由最平的一家賣KRONO ORIGINAL 約$10,000 到最貴的Q牌$19,000 (是最便宜的款喔) 不等吧。

香港走訪完畢，非常有好奇心的我，當然要北上考察一下。

去了五方家居裝飾材料廣場及家之福，很多地板公司都有賣無縫地板，看上去質感也不錯，是未夠入口外國貨順滑，不過沒有正式比較的話，就簡單的看起來，質感也是合格有餘的 (安全呀氣味呀什麼都沒有考慮)。

重點是，非常便宜，RMB10+/呎，基本上是5,6千港幣完工的事。

亦有公司賣KRONO ORIGINAL (爬文說是德國牌子內地廠喔)，價錢比香港便宜，拿了SAMPLE 回家和香港疑似水貨地板公司SAMPLE比較，是吻合的，價錢又比香港平2,3千，淘寶也有賣，大概100RMB 就有一平方米了。

SAMPLE 地板大合照

照片顏色非常受燈光影響，見實物比較易評價;  其實，如果是實木地板，水浸應該一樣都會發漲吧。究竟在有限的BUDGET內，應該選擇邊個價位的無縫地板呢? 仍在考慮當中，不過暫時都是比較傾向價錢取勝的K牌(左下角扣合的兩塊板)。

[前言] 裝修，大學問

之前一直覺得裝修離自己很遙遠。

不過當開始打算裝修舊居的時候，就會發現有莫明的興奮感覺，是一種自由發揮隨心所慾 (應該說是在有限的空間和BUDGET 內發揮無限的創意) 的喜悅感。

由於時間非常非常的充裕，而剛好我是一個3分鐘熱度，又非常喜歡左研究右爬文的人，所以我決定不要找室內設計公司，而自己做設計師。 找設計師有好處，好的設計師，可以幫你分析利弊，幫你設計，你拋出問題，他提供解決方法，所以設計師要收設計費。不過由於空間細細，左度右度，可以設計的地方不多，而我要實用性收納型為主，所以倒不如省一筆，自己充當自己的設計師好了。

小資女的裝修入門，是由下列開始:-

1. 問朋友
2. FORUM
3. GOOGLE 大神
4. J2 安樂窩
5. 圖書館

問朋友

當朋友都踏入適婚年齡，許多都有置業又有裝修經驗，問朋友是最佳的入門方法。

女性朋友最喜歡SHARE CONTACT 介紹用過的師父和室內設計師，亦教了我去圖書館借書，學習裝修基本材料認知; 然後又教我要追劇般追看J2的安樂窩，吸收多點裝修設計參考。

男性朋友更厲害，裝修過的友人都變了裝修達人，甚至裝修佬上身，可以帶我北上採購，去田貝筍岡找傢俱店，買磚買料。就算如果最終決定留港消費，但北上深圳看裝修仍然是擴闊眼界的好選擇。既然淘寶可以，為何北上裝修買料不可以。

FORUM

爬文遊戲，首先是細閱香港討論區的家居佈置版。

版內高手雲集，而且很多人會無私分享整個裝修過程，甚至有可能會看到和同一屋苑類型的樓主出帖文，又可以學習一下裝修用詞，偶爾有興趣想知傢私店或者裝修師父的推介，又可以PM (私下留message)，當然廣告與否自己考慮啦，如果唔怕醜唔怕被人寸仲可以直接出帖文提問，對於我這個零認知的小資女來說，就算只爬文都已經獲益良多。


GOOGLE 大神

到有一定的基本認知，就可以直接問GOOGLE 大神啦。簡單例如找屋苑的圖則，再例如問黑店，問邊到買門，問改則方法，又或者直接找參考圖片，搜尋「廚櫃」，「系統櫃」，「C字櫃」甚王不同的室內設計風格，基本上只要你有大方向，全部GOOGLE 都可以有答案。

我非常喜歡的北歐風格

我個人的興趣 (或強迫症)是，別人提出的意見，總要再上網找資料去verify. 如果大家都話可以，無人提出嚴重的反對或失敗的案例，那理論上都是可成立的吧。

J2 安樂窩

初時有看了幾集，不過後來發現安樂窩的窩居定義是1000呎以下，而我的窩居是400呎以下的要住3人的單位，而且很多說法都是只花了10多萬設計費?! (究竟找了什麼裝修公司)， 理想與現實太難符合，就沒有再看了。 不過如果只是2人單位，可以改做OPEN KITCHEN STUDIO FLAT，可改動的空間就多很多，又不同說法。

圖書館

圖書館的裝修書藉，原來一點都不少。不過多是台灣書，而台灣的住屋比香港都大，他們說的小坪數房子，其實都比香港大 ，而且樓底都很高(哭)。所以對現有空間有限制的我來說參考性不大，不過免費的書可以看一下也不錯，而且也有書是講基本的裝修理論及流程。有空閒時間的人絕對可以到圖書館一遊。